Welkom by Kleuterzone Fochville

Chantell Oosthuizen

Hoof

Brief uit DIE Hoof se pen:

My naam is Chantell Oosthuizen, dis vir my ‘n groot voorreg om skoolhoof te wees van KleuterZone Fochville.

Ek is gebore en het groot geword in Fochville.  My passie en liefde vir kinders kom al my hele lewe met my saam. Kinders vul mens se harte met liefde en het onvoorwaardelik lief.

In 2020 begin ek die pad saam KleuterZone stap as die Beertjie Juffrou in die 1-2 jaar klas.  2021 word ek aangestel as onderhoof by Kleuterzone. 2022 is ek die Juffrou by die Sterre klas (Pre Graad R) 4-5 jaar. En in 2023 word ek aangestel as skoolhoof.

Die is ‘n kort opsomming van as jy die liefde wat ‘n kleuters jou gee en die passie vir wat jy doen, vat sal dit jou hoë hoogtes laat bereik.

Dis vir my baie belangrik dat elke kleuter hier by kleuterZone Fochville se fondasie stewig gelê word, sodat hulle daardie fondasie as hul riglyn vir hul toekoms kan gebruik, dat die kleuter ontwikkel en presteer tot die beste van hulle eie vermoëns. Elke kleuter moet weet hoe uniek God hulle gemaak het, en wat ook al hul aanpak in hul lewe, hulle dit met God aan hul sy kan doen met vertroue en sonder vrees.

Ons skool se visie:

Ons is ‘n Christelike skool wat daagliks ons beginsels uitleef.  Hier by KleuterZone Fochville is elke kleuter uniek, spesiaal en geliefd. Ons skool se personeel loop oor van liefde vir elke kleuter, hulle is puik en ervare en hulle plaas die kleuters se belange bo alles.

Ons weet dat ‘n skool nie kan funksioneer as die ouers nie deel uitmaak van die suksesresep nie. Daarom is dit vir ons van die allerhoogste belang om ‘n hartlike en positiewe venootskap tussen KleuterZone en die ouers te hê.

Ons skool se waardes:

Vir KleuterZone is gesonde waardes ‘n prioriteit omdat dit ‘n kleuter se toekoms rig, en iets is wat ons met trots uitleef en voorhou aan ons Kleuters.

–  Respek en liefde

–  Gesonde dissipline

–  Selfdissipline

–  Eerlikheid

–  Vriendelikheid

–  Opregtheid

–  Deursettingsvermoë

KleuterZone Kleuterskool se Leuse:

“WAAR DROME BEGIN”

Karaktereienskappe

K-euses, elke keuse het ‘n uitkoms,  jy bepaal dit self.

L-iefde vir Jesus en almal om ons.

E-mpatie, om te probeer om mekaar te verstaan en te ondersteun.

U-niek, om te weet dat Jesus elkeen van ons anders gemaak het.

T-rots, wees trots op jou werk, wie jy is en hoe jy ander behandel.

E-erlikheid, om leuens te vertel maak Jesus se hart seer.

R-ykdom van Jesus, dit wat jy gaan kry as jy volgens Sy wil leef.

Z-iljoene, stel ziljoene doelwitte en werk hard. Hier droom ons groot.

O-mgee vir almal om ons, wees daar vir mekaar.

N-ederigheid, wees dankbaar vir alles wat jy het.

E-ntoesiasme is waarmee ons alles aanpak.

Karaktereienskappe

K-euses, elke keuse het ‘n uitkoms,  jy bepaal dit self.

L-iefde vir Jesus en almal om ons.

E-mpatie, om te probeer om mekaar te verstaan en te ondersteun.

U-niek, om te weet dat Jesus elkeen van ons anders gemaak het.

T-rots, wees trots op jou werk, wie jy is en hoe jy ander behandel.

E-erlikheid, om leuens te vertel maak Jesus se hart seer.

R-ykdom van Jesus, dit wat jy gaan kry as jy volgens Sy wil leef.

Z-iljoene, stel ziljoene doelwitte en werk hard. Hier droom ons groot.

O-mgee vir almal om ons, wees daar vir mekaar.

N-ederigheid, wees dankbaar vir alles wat jy het.

E-ntoesiasme is waarmee ons alles aanpak.

Getuigskrifte

Kleuterzone Fochville het nog altyd net goed na ons kleine lyf gekyk! Die personeel is altyd vriendelik en behulpsaam - ek dink ons poppelop verkies haar juffrou bo haar ma! Ek kan met 'n eerlike hart sê hulle is ingesteld op elke individu - hulle fokus op elke klein kindjie se behoeftes en neem elke individu se persoonlikheid in ag. Hulle stimuleer die kinders op soveel verskillende vlakke - vanaf hulle begin kruip of loop tot kuns vaardighede en ontwikkeling van hulle persoonlikheid. Ek kan elke oggend my kind met 'n geruste hart by die skool aflaai en weet daar word met baie liefde na haar gekyk en sy word versorg. Hulle Christelike waardes straal deur! Dit is min wat 'n mens nog 'n skool kry waar die Christelike waardes en normes wat ons vir ons kind by die huis leer, by die skool ook toegepas word. Die skool is altyd netjies en skoon. Ons weet verseker dat dit higiënies is en dat dit gereeld gesaniteer word - veral in die tye waarin ons nou leef. Hulle streef daarna om sover soos wat hulle kan die omgewing vir die kinders in te rig wat vir hulle voordelig is. Of dit nuwe skopfietsies is vir die kinders of 'n speel area vir die baba klas - die personeel neem altyd die kinders eerste in ag. Ek kan beslis Kleuterzone vir enige mamma en pappa aanbeveel!
KleuterZone Fochville Ouer
Ouer
Een woord... DANKBAAR!! Dankbaar dat my kinders die liefde, omgee, geduld en passie van elke onderwyser by Kleuterzone, kan ervaar. Opvoeding uit die boonste gehalte en word tot die kleinste detail geïnkorporeer. Ek is hartseer dat my kinders ooit die skool moet verlaat, maar het volle vertroue dat hulle 100% gereed sal wees vir die volgende stap in hulle lewe.
KleuterZone Fochville Ouer
Ouer
Kleuterzone Fochville is 'n plek waar kinders lag en sing en speel. Maar dis nie net dit nie. Dis ook 'n skool waar klein mensies die fondasie leer van hoe om hulle eie identiteit en persoonlikheid te ontwikkel sodat hulle die res van hulle skool loopbaan met selfversekerheid en positiwiteit kan aanpak. Elke klein mensie mag daar hom of haarself uitdruk en hulle drome ten volle uitleef. Die glimlaggies op die daaglikse fotos wat huistoe gestuur word spreek boekdele van die onbeperkte liefde wat elke onderwyseres en assistent gee. Ek is 'n trots Kleuterzone ouer en raai enige iemand aan om Kleuterzone deel te maak van hul kindjie se dag tot dag lewe.
Lize Strydom
Ouer
Beste KleuterZone Fochville, Sjoe, my hart borrel van trots as ek na my klein dogtertjie Jané Venter kyk. Sy was een van KleuterZone se eerste babas. Dit is al haar tweede jaar daar. Elke jaar is vir ons baie spesiaal. Daar is die beste en liefdevolste personeel. Hul het so baie passie vir die skool. Dit is so lekker om te sien dat die terrein net mooier word. Die personeel is altyd vriendelik en ywerig vir nuwe idees om elke kleuter ten volle te leer en te inspireer! Dankie KleuterZone Fochville, julle is 'n puik span! Groete, 'n trotse Fochie KleuterZone ouer!
KleuterZone Fochville Ouer
Ouer
Vanaf die eerste dag is my dogtertjie so gelukkig by die skool! Sy is baie lief vir haar juffrou en gaan sonder enige moeite skool toe. Dis 'n pragtige skool wat elke maat se belange eerste stel. Die onderwysers is passievol en lief vir elke maatjie! Beslis die beste skool waar die maats sommer baie slim en selfstandig word!
KleuterZone Fochville Ouer
Ouer
My ervaring as ñ Fochville Kleuterzone ouer, Wat ñ skool! Uitstekend! Personeel wat omgee, en onvoorwaardelike liefde gee vir elke kleuter! Van mooi maak, tot speel in die modder en tuin maak!! Vir meer en beter kon ek nie vra nie! Baie dankie vir al die moeite! My 3 jarige dogtertjie het vinnig aangepas, en sommer baie lief geword vir die personeel. As jy ooit wonder... FOCHVILLE Kleutetzone is die plek vir jou kind!
KleuterZone Fochville Ouer
Ouer
Kleuterzone, 'n skool vol drome. Trots en geliefd is die woorde waarmee ek Kleuterzone beskryf. Onderwysers kan trots wees op die netheid van hul skool. Die positiewe energie wat bedags by ons kinders gekweek word. Die puik lesse en aktiwiteite wat daagliks plaasvind. Personeel betrokkenheid is merkwaardig. Elke kind maak saak. Klein probleme wat opduik word spoedig hanteer. Die omgee tot ons kinders se gesondheid. Dankie Kleuterzone vir die puik diens tot die beste opvoeding, vir ons kinders. Ons as ouers is trots om te se ons is deel van Kleuterzone familie.
KleuterZone Fochville Ouer
Ouer
Kleuterzone fochville. As 'n mamma met n hart vol onsekerheid het ek met Dona gesels wat op daai oomblik slegs n juffrou by kleuterzone was . Sy is vandag die baie gesogte en eerbare hoof van die pragtig skooltjie. Dona en verskeie ander personeel het my verseker kleuterzone fochville is die plek vir my baba. Ek het daaroor begin bid en so het die Here my oor en oor terug gevat kleuterzone Fochville toe. Jer:29:11 Vandag, sonder enige twyfel wil ek getuig dat ons as ouers gerus kan voel om te weet dat ons babas al die liefde in die wereld ervaar by kleuterzone en al die personeel. Al Kleuterzone se personeel is altyd vriendelik en gewillig om ons mammas met ons kleintjies te help en ontvang al die kindertjies met soveel liefde. Die skooltjie is ook altyd so netjies en skoon. Dis onbeskryflik hoe kreatief en uitstekend al die juffrouens is om al die kindertjies te leer en te motiveer, veral babatjies wat leer loop. Die kindertjies word ook baie lekker bederf met die lekkerste kossies en die pragtigste speel terein wat baie veilig en opvoedkindige is. As n mamma van kleuterzone is ek dankbaar dat my dogtertjie, Aleia die voorreg het om by al kleuterzone se personeel te kan leer. Moet glad nie verder wonder waar jy jou kind moet inskryf nie. Kleuterzone Fochville is beyond measures.
KleuterZone Fochville Ouer
Ouer
As 'n ouma wat nou betrokke is in haar kleindogter se daaglikse lewe. Is ek ook bevoorreg genoeg om ons kleine liefiekind elke dag by haar kleuterskool naamlik Kleuterzone Fochville te gaan aflaai en weer in die middae te gaan optel. Wat 'n genotvolle ervaring.... elke liewe dag word ons met vriendelikheid en vriendelike gesigte van personeel begroet! Ken elke liewe kind ouer to ouma op hul name. Die personeel is uniek, stap regtig waar die ekstra myl vir elke kind en ouer. Dit ervaar ons persoonlik waar ons kleindogter van net 1 jaar oue baba tot nou amper 3 jaar oud elke liewe dag met hope aandag en liefde ontvang en behandel word. Kleuterzone Fochville se personeel sorg ook elke dag vir 'n gebalanseerde spyskaart wat partykeer my mond laat water! Die kinders se veiligheid is ook hoog prioriteit vir Kleuterzone se personeel. Dan praat ons nie eers van elke dag se ongelooflike moeite met die foto's en video's wat ons elke dag klokslag ontvang en ons so deelmaak van hulle daaglike aktiwiteite, speel en verjaarsdaepret nie! Dis ongelooflik lekker en gerus om te weet ons kinders is elke dag in mense se hande wat God dien, loof en prys.... en hoe weet ons dit.... ons kleindogter kan die oulikste Willie en die Wenspanliedjies sing. Ons kleindogter is net 3 jaar oud en ken die meeste van die liedjies en bid net so oulik! Ons as familie is regtig dankbaar dat ons paaie met Kleuterzone Fochville gekruis het. Om versekering te he dat almal daar elke dag met onbaatsugtige liefde en omgee na ons kosbaarste besittings omgesien word. Mag die skool net van Krag tot Krag gaan. Ouma Groete
Hanlie van Eeden
Ouer